Ignotus Iohanni de Virgilio
Ite, precor, pariter numeri, gremiumque salutis
ferte viro Aoniae reserat cui ianua silvae;
ite precor via quippe brevis nulloque labore
est vobis adeunda, procul nam saxea moles
et scopuli, nullumque potest occurrere laevum.
Non vos belligeri vultus decernere Martis
iam non Antaei Libyae residentis in antris
ibitis, immo viri quem pascunt pascua cygni
et quem Virgilii grandis sapientia nutrit.
Postera sit vobis promptissima cura precandi
quatenus involucrum quamvis sit forte ligatum
solvat et Acephali mihi libri metra secundi
mittat, Virgilio, sed non sapienter, adempta.
Colonna con sottomenu di navigazione
